కోకిల మథుర స్వరాలు..

 కోకిల మధురస్వరాలతో మామిడిపూల పరిమళాలతో

నూతన సంవత్సరాన్ని స్వాగతిస్తూ అరుదెంచినది వసంత ఋతువు.

మల్లెల గుబాళింపుతో, నోరూరించే ఆవకాయ రుచులతో

మామిడిఫలాల మధురిమలతో అలరించునది గ్రీష్మ ఋతువు,

మార్తాండుని ప్రతాపముతో అలసిన పుడమితల్లిని తన

అమృత వర్షధారలతో శాంతపరుచును వర్షఋతువు.

సన్నని చలిగాలులతో, చల్లని వెన్నెల సోయగాలతో

మానవ హృదయాలను పులకరింపజేయును శరదృతువు

ఊషోదయవేళ మంచుబిందువులతో ప్రకృతి కాంతను

పునీతను చేస్తూ పరవశింపచేస్తుంది హేమంతఋతువు.

పండుటాకులను రాల్చి కొత్త చివురులను ఆహ్వానిస్తూ

జీవిత సత్యాన్ని తెలియజేసే శిశిర ఋతువు.

ఆరు ఋతువుల అందాలని, ఆనందాలని ఆస్వాదించగలిగే

మానవజీవితం మహనీయం కదా!

23Ganga Bhavani, Velamuri Luxmi and 21 others

4 comments

Like

Comment

Share