అనుచు నిద్దరు నాడే అన్నమయ్య కీర్తన.

 ఈ వారం అన్నమయ్య కీర్తన.

అనుచు నిద్దరునాడే రమడవలెనే

మొనసి యివెల్లా జూచి మ్రొక్కిరి బ్రహ్మాదులు // పల్లవి //

రాముడ పండ్లు నాకు రండు వెట్టరా

యేమిరా యిట్లానె నాకు యిత్తువా నీవు

ప్రేమపుతమ్ముడగాన పిన్ననే నీకు

యీమాట మఱవకు యిందరా కృష్ణుడా // అనుచు //

యెక్కిన పుట్టిపై నన్ను నెక్కించరా వోరి

వుక్కున బడేవు రాకు వద్దురా నీవు

పక్కున మొక్కేరా నీపయిడికాళ్ళకు వోరి

అక్కతో జెప్పేగాని అందుకొనే రారా // అనుచు //

యెవ్వరు వొడవో సరి నిటు నిలుతమురా వోరి

నివ్వటిల్ల నీ వింత నిక్కవొద్దురా

రవ్వల శ్రీవేంకటాద్రిరాయడనేరా, అయితే

యివ్వల నీకంటే బెద్ద యిది నీ వెఱగవా // అనుచు

భావ నథుర్యం

ఈ కీర్తనలో అన్నమయ్య బలరామకృష్ణుల ఆటలు వారి మధ్య అనుబంధం చాలా చక్కాగా వివరించాడు, ఇది ఆ ఇద్దరి అన్నదమ్ముల సంవాదం.

ఇద్దరు అన్నదమ్ములూ(బలరామకృష్ణులు) కవలపిల్లల వలేనే ఆడుకుంటూ సంభాషించుకుంటూ ఉంటారు. మురిపెంగా అడుకుంటున్న వారిద్దరినీ చూచి బ్రహ్మాది దేవతలు మురిసిపోతూ మ్రొక్కుతూ ఉంటారుట!

రాముడా! నాకు రెండు పండ్లని ఇవ్వరా.. అని కృష్ణుడు అడుగగా, నేనిస్తా సరే గానీ నువ్వూ నాకు ఇలాగే ఇస్తావా? అని బలరాముడంటాడు. ప్రేమపు నీ తమ్ముడినే ఆనీ నీ కన్న చిన్నవాడిని కదా.. అంటాడు కృష్ణుడు. ఈ మాట మరువకు మరి ఇందరా కృష్ణా! ఈ పళ్ళు తీసుకో అంటాడు బలరాముడు.

నువ్వు ఎక్కిన ఉట్టిపై నన్నూ ఎక్కించరా! అని కృష్ణుడంటే. వద్దురా! నువ్వురాకు పడిపోతావు అని రాముడంటాడు. నీ పసిడి పాదాలకు మొక్కుతాను నన్ను ఎక్కించు అని కృష్ణుడనగా అక్కతో చెప్పే గాని అందుకొని రారా! అని బలరాముడు అంటాడు.

ఎవరు ఓడిపోతారో చూతము ఇలా వచ్చి నిలబడరా! అని కృష్ణుడు బలరాముడిని కంగిస్తే, అంత నిక్కు నీకు వొద్దురా అని బలరాముడంటాడు. అవ్వల శ్రీవేంకటాద్రి రాయుడ నేనేరా అని కృష్ణుడు అనగా, ఏమైనా ఇవ్వల నీ కంటే పెద్ద నేను ఎరుగవా అని బలరాముడంటాడు.

పరమాత్మ స్వరూపాలైనా చిన్నపిల్లలైన అన్నదమ్ముల మధ్య అల్లరి సంభాషణలను ఎలా ఉంటాయో అన్నమయ్య ఎంత బాగా ఈ కీర్తనలో పొందుపరిచాడో కదా..

14Ratnamala Puruganty, Kandalamvenugopala Rao and 12 others

1 comment

Like

Comment

Share

కని గుడ్డును నదె అన్నమయ్య కీర్తన.

 ఈ వారం అన్నమయ్య కీర్తన.

ప. కని గుడ్డును నదె విని చెవుడును నిదె

ననిచి జగత్తు నడచీ నదివో..

౧. ఉదయాస్తమయము లొక దినముననే

యెదుటనే ఉన్నవి యెంచినను

ఇదివో జీవులు యెంచక తమతమ

బ్రతుకులు సతమని భ్రమసెదరు.

౨. వెలుగును జీకటి వెసగను గొనలనే

నిలిచీ నూరక నిమిషములో,

కలవలే నుండిన గతి సంసారము

బలువుగ సతమని భ్రమసెదరు.

౩. కాంతలు బురుషులు కాయ మోక్కటనే

పొంతనే పుట్టుచు బొదలెదరు,

ఇంతయు శ్రీ వేంకటేశ్వరు మహిమల

పంతము ఎలియక భ్రమసెదరు.

భావము: ఔరా! అదిగో !లోకము కన్నులార కనియు గ్రుడ్డితనము. చెవులార వినియు చెవిటితనము కలిగి ప్రవర్తించు చున్నది.

పరికించి చూడగా ప్రొద్దు పొడుచుట, ప్రొద్దు గ్రుంకుట అనునవి ఒక్క దినములోనే కన్నుల యెదుటనే జరుగుచున్నవి. అయినను జీవులు సదా పరివర్తనశీలమైన ఈ జగత్తు యొక్క నిజస్వరూపమును గుర్తింపక తమ తమ బ్రతుకులు శాశ్వతమని తలచి భ్రమకు లోనగుచున్నారు. ఒక నిమిషములోనే కనుగొనలలో వెలుగు, చీకటి వెంటవెంటనే నిలిచి యున్నవి. అట్లే చంచలమైన ఈ సంసారము కలవలె బూటకమై యున్నది. లోకులు దీనిని శాశ్వతమని నమ్మి భ్రాంతి నొందుచున్నారు.

స్త్రీలు, పురుషులు ఒకే శరీరమందునే పుట్టుచు వృద్ధి చెందుతున్నారు. ఇదంతయు శ్రీ వేంకటేశ్వరుని మహిమ వలెనే కలుగుచున్నవి. దాని ప్రభావ విధానము తెలియక జీవులు ఊరకే భ్రమపడుచున్నారు.

జగత్తు సదా పరిణామశీలమైనది జెవుల బ్రదుకులు శాశ్వతములు కావు. ఒకే దినమున ఉదయము, అస్తమయము జరిగినట్లే అల్పకాలమునందే ప్రాణులు పుట్టుట, గిట్టుట జరిగిపోవుచున్నావి. తామరాకు మీద నీటిబొట్టు వంటి జీవితమును శాస్వతమని భ్రమించి తాపత్రయమునకు లోనగుచున్నారని ఈ కీర్తనలో అన్నమయ్య చక్కగా వివరించాడు.

17Pvr Murty, Mythili Chirumamilla and 15 others

3 comments

Like

Comment

Share

అలమేలుమంగవు నీవౌనే అన్నమయ్య కీర్తన.

 ఈ వారం అన్నమయ్య కీర్తన.

అలమేలుమంగవు నీవౌనే పతిఁ జేకొంటివి

నెలకొని ఈ చేతలు నీవే నేరుతువే !!

మొగము చూడఁగానే ముంచుకొను నగవులు

నగఁగానే పెనగొని నాఁటుఁ దగులు

తగులఁగా తగులఁగాఁ దమకము చిగిరించు

చిగిరంపు నాసలు చిమ్మిరేఁచు వలపు !!

వలవఁగా వలవఁగా వడిఁబెట్టు వలపులు

తలఁచఁగా నోరికబ్బు తానే పిలుపు

పిలువఁగాఁ బిలువఁగా బెనలుఁగొనుఁజెలిమి

చెలిమిఁ గడుఁ జేయఁగా చెలరేగు మనసు !!

మనసె పెట్టఁ బెట్టెఁ గా మల్లడిగొను ననుపు

ననుచఁగా ననచఁగా నంటు లెనయు

యెనయఁగా శ్రీవేంకటేశుఁ డేలే గుట్టుగను

కనుఁగొనఁగానే చెంగలించు మొగము. !!

భావముః అలమేలుమంగ చక్కదనమును, గుణగణములను ఈ కీర్తనలొ మనకు తెలియపరుస్తున్నాడు అన్నమయ్య.

అమ్మా! అలమేలుమంగా! నీవు నీ పేరుకు తగినట్లు (అలమేలుమంగ అంటే పుష్పం పై భాగంలో జన్మించిన లక్స్మీదేవి అని అర్ధం} ఉన్నావు. శ్రీవేంకటేశ్వరుని పతిగా చేకొన్నావు. ఈ చేతలన్ని నీవు నేర్పినవే.

నీ ముఖారవిందము చూడగానే చిరునవ్వులు ముంచుకొస్తాయి. నీవు నవ్వగానే అనుబంధము పాతుకొనిపోతుంది. నిన్ను తగులగానే తమకము చిగురిస్తుంది. ఆ చిగురింపువలన ఆశలు పెరిగి వలపు పెరిగిపోతుంది.

వలపు పెరిగి పెరిగి తలపులు మెలిబెట్టినట్లవుతాయి. ఆ తలపులవల్ల శ్రీవారి నోరు పదే పదే నీ పేరు పిలుస్తుంది. పిలవగా పిలవగా చెలిమి అతిశయిస్తుంది. ఆ చెలిమి ఎక్కువై చెలరేగిపోతుంది మనసు.

మనసు నీపై పెట్టగా పెట్టగా అధికమయ్యేది అనురాగం. ఆ అనురాగమే అధికమై అలరారుతుంది. ఎనయగా తల్లీ! శ్రీవేంకటేశ్వరుడు ప్రేమతో నిన్నేలుకొనును. ఆ తలపులు కనుగొనగా నీ ముఖము చిరునవ్వుతొ వికసించును.

6Anuradha Vankineni, భాస్కర శాస్త్రి and 4 others

మదిలో భావం.

 మదిలో భావం

సకలావయవ సంపదతో ఉత్తమమైన మానవజన్మ నిచ్చినందుకు అ పరమాత్మునికి కృతజ్ఞతాంజలులు.

పవిత్రమైన భారతభూమి నా జన్మభూమి. వేదభూమి, కర్మభూమి నా దేశం. పవిత్ర భరతభూమిలో ఉత్కృష్టమైన హిందూమతంలో, బ్రాహ్మణ కుటుంబంలో జన్మించడం నా పూర్వజన్మ సుకృతం. ప్రపంచానికి మార్గదర్శి హిందూ మతం నా మతం. వ్యాసుడు, వాల్మెకి, ఆర్యభట్టు, చరకుడు, చాణుక్యుడు, ఆది శంకరచార్యులు, రామకృష్ణ పరమహంస, వివేకానందుడు, రమణ మహర్షి, సాయిబాబా ఇంకా ఎందరో దైవాంశ సంభూతులు ఈ పుణ్యభూమిలో జన్మించి ప్రపంచానికే గురువులైనారు. మన సంస్కృతి సంప్రదాయాల పట్ల గౌరవం, నమ్మకం ఉన్నాయి. కొంతవరకైనా అనుసరించ కలుగుతున్నందుకు తృప్తిగా అనిపిస్తూంది. మారుతున్న కాలంలో, ఇప్పటి పరిస్థితులలో పూర్వపు ఆచారలని పాటించడం సులభసాధ్యం కాకపోవచ్చు. కానీ వీలున్నంతలో మన దేశ సంస్కృతిని కాపాడుకోవడం, సదాచారాలను పాటించడం మన బాధ్యత.

ఈ కలుషిత భారతావనిలో మార్పు సంభవించి మళ్ళీ మన పుణ్యభూమి మనకు లభిస్తుందని ఆశిద్దాం. సర్వే జనా సుఖినో భవంతు. ఓం శాంతి.

14Pvr Murty, Velamuri Luxmi and 12 others

3 comments

Like

Comment

Share