త్యాగరాజు ఆరాధనోత్సవాల సందర్భంగా కరుణశ్రీ పద్యం :
బాలభాస్కరదేవు బంగారు కిరణాలు
కమలాకరాలలో కదలు లీల
శారద పూర్ణిమ చంద్ర చాంద్రీద్యుతుల్
నెలరా కపోలాల నిమురు లీల
మధుర మోహన మంద మలయ మారుతములు
వల్లి పదాగ్రాల వ్రాలు లీల
జలధరస్వామి శీతల వర్షధారలు
సస్యకాంతల ముద్దుసలుపు లీల
తీయతీయని శ్రుతులు త్యాగయ్య కృతులు
శ్రోతృహృదయాల నానంద సుధలు చిందె;
ప్రాజ్యమైన సంగీతసామ్రాజ్యమునకు
రాగమయ రాజరాజు : మా త్యాగరాజు ::
No comments:
Post a Comment