భాగ్యశాలి

భాగ్యశాలి.

పూరిగుడిసెలో కాలుష్యవాతావరణంలో
బతుకు బండి లాగుతున్న బడుగుజీవులకన్న,

కన్నెవయసులొ మోసగింపబడి
పడుపువృత్తిలొ కూరుకుపోయిన పతితుల కన్న,

అందమయిన లొకాన్ని చూడలేక
కటిక చీకటిలో అలమటిస్తున్న పుట్టు అంధుల కన్న,

పలుకురాక, మదిలోని భావాలను
తెలుపుకోలేని మూగజీవుల కన్న,

కాలు చేయి లోపంతో పరాన్నభుక్కులుగా
జీవించే అవిటివారి కన్న,

అభిరుచులు పంచుకొని, అండగా నిలిచే
భాగస్వామి లభించని నిర్భాగ్యుల కన్న,

మళ్ళిన వయస్సులో ఆలన పాలన చూసే
కన్నబిడ్డలు లేని అభాగ్యుల కన్న

నేనెంత భాగ్యశాలినో! నాదెంత అదృష్ట జన్మమో!

పొన్నాడ లక్ష్మి.