జయలక్ష్మీ వరలక్ష్మీ సంగ్రామ వీరలక్ష్మి
ప్రియురాలవై హరికి( బెరసితి వమ్మ
పాలజలనిధిలోని పసనైన మీగడ
మేలిమి తామెరలోని మించు వాసన
నీలవర్ణునురముపై నిండిన నిధానమవై
ఏలేవు లోకములు మమ్మేలవమ్మ
చందురుతోడబుట్టిన సంపదల మెరగువో
కందువ బ్రహ్మలగాచే కల్పవల్లివో
అందిన గోవిందునికి అండనే తోడు నీడై
వుందానవు మా యింటనే వుండవమ్మా
పదియారు వన్నెలతో బంగారు పతిమ
చెదరని వేదముల చిగురు బోడి
ఎదుట శ్రీవేంకటేశు నిల్లాలవై నీవు
నిధుల నిలిచే తల్లి నీవారమమ్మ
ప్రియురాలవై హరికి( బెరసితి వమ్మ
పాలజలనిధిలోని పసనైన మీగడ
మేలిమి తామెరలోని మించు వాసన
నీలవర్ణునురముపై నిండిన నిధానమవై
ఏలేవు లోకములు మమ్మేలవమ్మ
చందురుతోడబుట్టిన సంపదల మెరగువో
కందువ బ్రహ్మలగాచే కల్పవల్లివో
అందిన గోవిందునికి అండనే తోడు నీడై
వుందానవు మా యింటనే వుండవమ్మా
పదియారు వన్నెలతో బంగారు పతిమ
చెదరని వేదముల చిగురు బోడి
ఎదుట శ్రీవేంకటేశు నిల్లాలవై నీవు
నిధుల నిలిచే తల్లి నీవారమమ్మ
(బాలకృష్ణప్రసాద్ గారు పాడిన ఈ కీర్తన విని ఆనందించండి)
అమ్మా! నువ్వు జయములొసంగే జయలక్ష్మివి, వరములిచ్చే వరలక్ష్మివి, సంగ్రామంలో విజయం
సమకూరేలా ధైర్యాన్నిచ్చే వీరలక్ష్మివి. శ్రీహరికి ప్రియురాలివై అతనిని కలసితివి.
పాల సమద్రములోని పసనైన (సారవంతమైన) మీగడవు. మేలిమి తామెరపువ్వులోని మంచి సువాసన
గల దానవు. నీలవర్ణుని వక్షస్థలంపై సిరులతోనిండిన దానవై, లోకములను ఏలే తల్లివి, మమ్మల్ని దయతో
ఏలవమ్మా!
చంద్రుని తోబుట్టువువై సంపదలు నిండిన దానివై, సమర్ధవంతమైన బ్రహ్మలను గాచే కల్పవల్లివి.
గోవిందుని చేపట్టి తోడునీడగా ఉన్నదానివి. మా ఇంట్లో ఉండవమ్మా!
పదహారు వన్నెలతో గూడిన బంగారు బొమ్మవు నీవు. చెదరని వేదముల చివరనుండే చిగురుబోడివి.
ఎదురుగా శ్రీ వేంకటేశ్వరుని ఇల్లాలివై ఉన్నావు. నిధులయందుండే తల్లీ!
నీవారమమ్మా! మమ్మల్ని కటాక్షించు.
No comments:
Post a Comment