జీవితం
అలలా పడుతూ లేస్తూ సాగేదేరా జీవితం
ఏటికి ఎదురీదుతూ చేసే పడవ ప్రయాణం జీవితం
ఏటికి ఎదురీదుతూ చేసే పడవ ప్రయాణం జీవితం
కష్టాలనూ కన్నీళ్ళనూ దిగమింగుతూ నడిపేదిరా జీవితం
ఒడుదుడుకులను దాటుకుంటూ ఒడ్డుకు చేరేది జీవితం
ఒడుదుడుకులను దాటుకుంటూ ఒడ్డుకు చేరేది జీవితం
వడ్డించిన విస్తరి కాదురా జీవితం
మనకై మనం సాధించుకునేదే జీవితం.
మనకై మనం సాధించుకునేదే జీవితం.
పరచిన పూలపాన్పు అసలేకాదురా జీవితం
ముళ్ళబాట నధిగమిస్తూ ముందుకు సాగేది జీవితం.
ముళ్ళబాట నధిగమిస్తూ ముందుకు సాగేది జీవితం.
నిరంతర కృషి చేస్తూ ఎదిగేదేరా జీవితం
ఎదురొచ్చిన సమస్యలను పరిష్కరించు కోవడమే జీవితం.
ఎదురొచ్చిన సమస్యలను పరిష్కరించు కోవడమే జీవితం.
బాధ్యతలను విస్మరించి పారిపోవడం కాదురా జీవితం
అయినవారిని ఆదుకుని అక్కున చేర్చుకునేదే జీవితం
అయినవారిని ఆదుకుని అక్కున చేర్చుకునేదే జీవితం
అందమయిన ప్రకృతిని ఆస్వాదిస్తూ అనుభూతి పొందడమేరా జీవితం
ఆనందాన్ని మాత్రమే అందరికీ పంచుతూ మనిషిగా మసలడం జీవితం
ఆనందాన్ని మాత్రమే అందరికీ పంచుతూ మనిషిగా మసలడం జీవితం
నీకు తెలిసినది నలుగురికీ పంచడమేరా జీవితం
నిన్ను నమ్ముకున్నవారికి న్యాయం చేయడం జీవితం
నిన్ను నమ్ముకున్నవారికి న్యాయం చేయడం జీవితం
పొన్నాడ లక్ష్మి (11.12.2016)
