ఎదురీత

ఎదురీత

బాల్యం లో చిలిపిచేష్టలు, అల్లర్లు, అలకలు లేవు.
కుమారిదశ లో చెప్పుకోదగిన ముద్దుముచ్చట్లు లేవు.
యౌవన దశ లో త్రుళ్ళిపడుతూ , కాలేజి లో చేసే హంగామాలు అసలే లేవు
తీపి కలలతో, ఎన్నో ఆశలతో అడుగిడిన సంసారంలో ఆనందానుభూతులు లేవు.
అడుగడుగునా ఆంక్షలు, అనుమానాలు, అవరోధాలతో అడుగంటిన అభిరుచులు.
ఎన్నో నిద్రలేని రాత్రులు, నాలో నేనే పడే మానసిక ఆవేదన.
అయినా అదేమి విడ్డూరమో నా కంటిలో నీరు రాదు.
నా మనసు ఓటమిని అంగీకరించదు.
ఏటికి ఎదురీది నా వ్యక్తిత్వం నిలుపుకుంటాను.
స్వయంకృషి తో నేర్చుకున్న విద్యలని గంగపాలు కానివ్వను.
నేనంటే ‘నేనే’ అని ఏనాటికయినా నిరూపించుకుంటాను.

రచన: పొన్నాడ లక్ష్మి.

చిత్రం : Pvr Murty గారు