ఇన్నాళ్ళు నెరగము నిటువంటివి అన్నమయ్య కీర్తన.

Ponnada Lakshmi

16 hrs ·

ఈ వారం అన్నమయ్య కీర్తన.
ప. ఇన్నాళ్ళు నెరఁగము నిటువంటివి
సన్న నిట్టె జరుగునో సారె మీ ఇద్దరికి !!
౧. పొలసి పొలసి ఏమి పోదిగినీ యాపె నిన్ను
పిలిపించితివో నీవు ప్రియము తోడ
మొలక నవ్వులతో నీ మొగము దప్పక చూచి
కలవో వొడఁబాట్లు కడు మీ ఇద్దరికీ !!
౨. చేరి చేరి ఊడిగాలు సేయగఁవచ్చీ నీకు
కారణమేమైనా గద్దో కాఁగిటికి
నేరుపుతో సలిగలు నెరపీ నీ ముందరను
ఈ రీతి వేడుకాయనో యిట్టె మీ ఇద్దరికీ !!
౩. పెనఁగి పెనఁగి యాపే బెరసి నవ్వీ నీతో
చనవు నీవొసంగిన ఛందమో యిది
యెనసితి శ్రీవేంకటేశ యింతలో నన్ను
మనసు లొక్కటాయనో మరి మీ ఇద్దరికీ !!

భావమాధుర్యం:
స్వామీ ! నీవు శ్రీదేవి సొత్తువని నాకు తెలియును. మీఇద్దరికీ కూడా మధ్య మధ్య ఇటువంటివి జరుగుతాయా?
అతిశయముతో ఆమె ఏమి బెట్టు చేస్తున్నది. తప్పేమున్నది? నీవే ఆమెను పిలువనంపితివి. మొలక
నవ్వులతో ఆమె నిన్ను చూచిందంటే ఇక మీఇద్దరికీ ఒడంబడికలు తప్పవు.
ప్రభూ! ఆమె నీకు చేరికయై సేవలు చేయగల నేర్పరి. సేవాకార్యక్రమంలో ఈ కౌగలింతల వ్యవహారం ఏమిటి? ఆమె నీ ముందరే తన నేర్పరితనంతో అతి చనువు ప్రదర్శిస్తుంది. మీ ఇద్దరికీ ఇటువంటి చిలిపి పనులు వేడుక ఏమో మరి!
ప్రభూ! ఆమె నీకు చేరికయై పెనవేసి మనోహరంగా నవ్వుతున్నది. ఇదంతా నీవిచ్చిన చనువే కదయ్యా! మీ సంగతి ఇట్లుండగానే ఓ వేంకటేశ్వరా! నన్నూ (అన్నమయ్యను) దరి చేరితివి. మన మనస్సులు ఒకటైనవి. మరిమీ ఇద్దరికీ లోటే లేదాయెను. ఆమె నీ హృదయనివాసిని కద