అందం

మగువ  అందం.

మనసు దోచిన మగువ అందమే అందం

రసజ్ఞుల హృదయలలో రాగాలను పలికించిన కడు రమ్యమైన అందం

అసమాన సౌందర్య రాశివని వేనోళ్ళ పొగడ్తలందుకున్న అందం

ఆమె ప్రతి కదలికా అందమే, ప్రతి భంగిమా అందమే

అందానికి అందం నువ్వేనని ప్రశంశలు అందుకున్న అందం

ఆమె రాసిన రాత అందం, ఆమె గీసిన గీత అందం

ఆధునికాలంకరణలో ఆహ్లాదపరచే అందం

మనసుపైన మత్తుజల్లి ఆనందలోకాల విహరింపజేసే

                                   అపురూపమైన అందం

అభినందనల వెల్లువలో తడిసి ముద్దయిన అందం.

వన్నె తగ్గినా అభిమానుల అంతరంగాలలో

                                  స్థిరనివాసమైన అందం.