ఇంతటనుఁ గరుణించు ఇదె విన్నపము నీకు
ఇంతి యలమేల్మంగ ఇరవై నీ౩కున్నది.
ఇంతి యలమేల్మంగ ఇరవై నీ౩కున్నది.
చేతుల నీరూపు వ్రాసి చెలరేఁగివుండే యాస
గాతల నీ సతి పొద్దుగడపీ నదె
నీతితోడ వీనులను నీ కతలు వినే యాస
రాతిరిఁబగలును బీరము సేసుకున్నది..
గాతల నీ సతి పొద్దుగడపీ నదె
నీతితోడ వీనులను నీ కతలు వినే యాస
రాతిరిఁబగలును బీరము సేసుకున్నది..
తలపోఁతలను నిన్ను దగ్గరి వుండేటి యాస
పెలుచైన దేహము పెంచీ నదె
కలలోనైన నిన్నుఁ గాఁగలించుకొనే యాస
బలువుగాఁ బ్రాణము పట్టుకున్నదదివొ..
పెలుచైన దేహము పెంచీ నదె
కలలోనైన నిన్నుఁ గాఁగలించుకొనే యాస
బలువుగాఁ బ్రాణము పట్టుకున్నదదివొ..
యిట్టె నీవు వచ్చేవని యెదురుచూచే యాస
నెట్టుకొని వేడుకతో నిలుచున్నది.
గట్టిగా శ్రీవేంకటేశ కైకొని కూడితి విదె
వొట్టుక నిన్నుఁ బాయక వొద్దికై తానున్నది.
నెట్టుకొని వేడుకతో నిలుచున్నది.
గట్టిగా శ్రీవేంకటేశ కైకొని కూడితి విదె
వొట్టుక నిన్నుఁ బాయక వొద్దికై తానున్నది.
అన్నమయ్య ఈ కీర్తనలో నూతన వధువైన అలమేల్మంగకున్న యెన్నో ఆశలను స్వామికి విన్నవిస్తున్నాడు. అన్నమయ్య అమ్మవారిని తన కూతురిగా భావించి స్వామికి తన విన్నపములను విన్నవించుకుంటున్నాడు. ఆమెను కరుణించ
మంటున్నాడు.
మంటున్నాడు.
ఈ ఇంతి అలమేల్మంగను ఇంతటితో కరుణించు. ఇదే నా విన్నపము. నీకు అనుకూలవతియై ఆమె ఉన్నదయ్యా!
అరచేతులలొ నీ రూపు వ్రాసుకుని చెలరేగే ఆశలతో నీ గాధలతో పొద్దు గడుపుచున్నది. నియమం తప్పకుండా వీనులవిందుగా నీ కతలను వినాలనే ఆశతో రేయింబవళ్ళు ఆమె శక్తి కూడగట్టుకొని వింటున్నది.
నీ యొక్క తలపులలోనైనా నీకు దగ్గరయ్యే ఆశతో బలహీనపడ్డ దేహముతో నున్నది. నిన్ను కలలోనైనా కౌగలించుకోవాలనే ఆశతో బలవంతాన తన ప్రాణములను నిలుపుకొని, నీకోసం వేచి యున్నది.
ఇదిగో నీవు వచ్చేస్తున్నావనే ఆశతో వేడుకగా నీకోసం నిలుచున్నది. ఓ శ్రీ వేంకటేశ్వరా! నీ చేతులతో ఆమెను స్వీకరించి ఏలిన, ఆమె నిన్ను వీడక ఒద్దికగా నీతోనే ఉండును.
వివాహమయిన తరువాత ఏ కారణం వల్లనయినా ఆడపిల్ల పుట్టింటిలో వుండవలసి వస్తే ఆ కొత్త పెళ్ళికూతురి మనోభావాలను ఆకళింపు చేసుకుంటూ ఒక తండ్రి పడే ఆవేదన ఈ కీర్తనలో అన్నమయ్య మనకి ప్రస్ఫుటింప చేసాడు.
- పొన్నాడ లక్ష్మి
No comments:
Post a Comment