కవిత..
నీలో కలదురా ఏదో మాయ.
నీకు తెలియదురా నువ్వెంత మాయగాడివో
నిన్ను తలచినంతనే ఉప్పొంగును నామది
నీ ధ్యాసే నా శ్వాస ఆయెనురా
మెరుపు కాంతులు కలవురా నీ కనులలో
కన్ను కలిపినంతనె మైకమే కమ్మునురా
నీ చేయి తాకగానే పులకరించు నా మేను
నీ మధుర స్పర్శతో వింత హాయి కలిగెరా
నీ మాటలలో కలదురా మంత్రశక్తియేదో
పెదవి కదపజాలక ముగ్ధురాలినౌదురా
నీ చిరునవ్వులలో విరిసిన వెన్నెల
నిదుర రానీయక రేయంతా తికమక పరచేనురా
ఇంత ఆకర్షణ నా ఒక్కడి సొత్తీ అని నువ్వంటే
అదంతా నాభాగ్యమేనని నేనంటానురా.
- పొన్నాడ లక్ష్మి
No comments:
Post a Comment