కౌమార్యం
బాల్యం నుంచి కౌమార్యంలోకి అడుగిడిన రోజులు
బాధ్యతలు బ్రతుకుబరువు తెలియక తిరిగిన రోజులు
మనసులొ ఎవేవో వింత వింత వూహలు
కనులతో ఎవేవో కమ్మని కలలు కన్న రోజులు
ప్రపంచమంతా రంగుటద్దాలలో అందంగా కనిపించిన రోజులు
లంగా వోణీతో రెండుజడలతో గెంతుతూ ఆడుకున్న రోజులు
పాటలు పాడుకుంటూ త్రుళ్ళిపడుతూ తిరిగిన రోజులు
నిశ్చింతగా అమ్మానాన్నల లాలనలో కరిగిపోయిన రోజులు
చేతికిపండిన గోరింటాకు అమ్మ వేసిన మొగిలిపూవుల జడ
అందరికీ చూపించి మురిసిపోయిన రోజులు
అత్త కొడుకు బావతో పరాచికాలాడుతూ అల్లరిపెట్టిన రోజులు
గవ్వలాడుతూ శివరాత్రి జాగరణ చేసి మర్నాడు
పంతులమ్మతో చీవాట్లు తిన్న రోజులు
ఆ పంతులమ్మలే విరామ సమయంలో నాచేత
ఏరికోరి పాటలు పాడించి మెచ్చుకున్న రోజులు
అంతిమ పరీక్షల ముందు విద్యార్ధులకీ గురువులకీ
వీడ్కొలు చెప్తూ కంటతడి పెట్టుకున్న రోజులు
ఆందోళనతో అంతిమ పరీక్షలు రాసిన రోజులు
ఫలితాలు తెలిసి ఇంటిల్లపాదీ ఆనందించిన రోజులు
మరపురాని మధురమయిన తిరిగిరాని రోజులు
- Ponnada Lakshmi
No comments:
Post a Comment