నిజానిజాలు కవిత

 

నిజానిజాలు.

మెరిసే వలువల వెనుక దాగున్న మాలిన్యం తెలుసుకో..

అందమైన నవ్వు వెనుక దాగున్న ద్వేషాన్ని తెలుసుకో..

ఒలికించే మంచితనం వెనుక దాగున్న కుటిలత్వం తెలుసుకో..

చూపించే నమ్మకం వెనుక దాగున్న వంచనని తెలుసుకో..

కురిపిస్తున్న ప్రేమప్రవాహంలో దాగున్న స్వార్ధబుధ్ధిని తెలుసుకో..

తియ్య తియ్యగా పలికే పలుకుల వెనుక దాగున్న విషాన్ని తెలుసుకో..

అందమైన ఆకృతిలో దాగున్న కపటమైన మనస్సుని తెలుసుకో.

అభివృధ్ధిని చూసి అభినందించే వారిలో దాగున్న అసూయని తెలుసుకో... అంతే కాదు

నిర్మల మనస్కులు, ధనంలో పేద అయినా గుణంలో గొప్పదనం కలవారు కూడా

ఉన్నారని తెలుసుకో.....