అన్నమయ్య కీర్తన
నదులొల్లవు నా స్నానము కడు
సదరము నాకీ స్నానము.
ఇరువంకల నీ యేచిన ముద్రలు
ధరించుటే నా స్నానము,
ధరపై నీ నిజదాసుల
చరణధూళి నా స్నానము.
ధరించుటే నా స్నానము,
ధరపై నీ నిజదాసుల
చరణధూళి నా స్నానము.
తలపులోన నినుదలచినవారల
తలచుటే నా స్నానము
వలనుగ నిను గనువారల శ్రీపాద
జలములే నా స్నానము..
తలచుటే నా స్నానము
వలనుగ నిను గనువారల శ్రీపాద
జలములే నా స్నానము..
పరమభాగవత పదాంబుజముల
దరిసనమే నా స్నానము.
తిరువెంకటగిరి దేవా..
కథాస్మరణమే నా స్నానము...
దరిసనమే నా స్నానము.
తిరువెంకటగిరి దేవా..
కథాస్మరణమే నా స్నానము...
భావవ్యక్తీకరణ..
నదులలో చేసే స్నానమొక్కటే కాదని, అంతకుమించిన స్నానమే తాను ఆచరిస్తున్నానని ఈ కీర్తనలో అన్నమయ్య స్పష్టం చేస్తున్నాడు.
భుజాలపై రెండువైపులా చక్రాoకితాల ముద్రలను ధరించడమే తనకు నిజమైన స్నానం అంటున్నాడు. పరమాత్మకు దాసులైన వారికి దాస్యం చేయడం అసలైన జలకస్నానం అని అన్నమయ్య విసదీకరిస్తున్నాడు.
మనసులో నిన్ను తలుచుకున్నవారిని తరుచూ మననం చేసుకోవడం, నిన్ను కనులారా చూసిన వారి పవిత్రజలాలను తలపై చల్లుకోవడం నాకు మహత్తరమైన స్నానం అంటున్నాడు అన్నమయ్య.
పరమాత్మే పరమావిధిగా జీవించే పారమార్థిక మూర్తుల పాదపద్మాలను దర్శించుకోవడం, తనకు గురియైన శ్రీనివాసుని దివ్యగాథను స్మరించుకోవడం నిత్యం నదీస్నానం చేయడంతో సమానమని పాడుకుంటూ పులకించిపోతున్నాడు అన్నమయ్య.
No comments:
Post a Comment